Tvö börn lögð inn á geðdeild á Spáni vegna gemsafíknar

Tvö börn, 12 og 13 ára voru sett inn á geðdeild af foreldrum sínum á Spáni en þau töldu börn sín vera háð símum sínum og ekki getað lifað eðlilegu lífi án þeirra. Þau voru farin að vanrækja skólann og ljúga að ættingum til þess að geta náð sér í pening til þess að eyða í síma sína.

Nú hafa þau verið í meðferð sem gengur út á að læra að lifa eðlilegu lífi án þess að hafa símann alltaf við höndina. Læknirinn sem er yfir geðstofnuninni sem þau voru lögð inn á, Dr Maite Utges segir þetta vera í fyrsta sinn sem þau meðhöndla börn með slíka fíkn.

Börnin höfðu átt síma sína í 18 mánuði en foreldrarnir aðhöfðust ekkert til þess að takmarka símanotkun sína þangað til þau gerðu sér grein fyrir hve alvarlegt málið væri.