West Ham fær varnarmann

Enska úrvalsdeildarfélagið West Ham hefur gengið frá samningi við 22 ára gamlan varnarmann frá Úrúgvæ. Sá heitir Walter Lopez og á að baki þrjá landsleiki fyrir þjóð sína, en hann var með lausa samninga eftir að hafa leikið með River Plate.

Lopez þessi er sagður sókndjarfur og á einnig að geta spilað á miðjunni. Kevin Keen, sem stýrir liði West Ham eftir að Alan Curbishley sagði upp störfum, bindur miklar vonir við Lopez.

"Walter er sókndjarfur bakvörður og er því dæmigerður West Ham leikmaður sem vonandi fær tækifæri til að sýna hvað í honum býr," sagi Keen.