Tólf féllu á Gaza

Sprenging sem varð á Gaza ströndinni í dag banaði að minnsta kosti sjö Palestínumönnum. Sprengingin varð á heimili sprengjugerðarmanns og virðist hafa verið slys.

Lítið barn var á meðal þeirra sem létust. Auk þeirra sjö sem létust særðust 25 manns. Talið er að sprengjugerðarmaðurinn hafi verið að útbúa sprengjur sem nota átti gegn Ísraelsmönnum.

Skömmu síðar féllu þrír meðlimir Hamas samtakanna í loftárás Ísraelsmanna en Hamas liðarnir eru sagðir hafa verið að skjóta loftskeyti yfir landamærin í átt til Ísrael.

Alls létus því 12 manns á Gaza ströndinni í dag því tveir Palestínumenn voru skotnir til bana af ísraelskum hermönnum í morgun.