Rætt um matvælakreppu í Róm

Framkvæmdastjóri Sameinuðu þjóðanna Ban Ki-moon sagði á leiðtogafundinum sem haldin er þessa dagana í Róm um matvælakreppu heimsins að matvælaframleiðsla þyrfti að aukast um 50% fyrir árið 2030 til þess að mæta matarþörfum heimsins.

Leiðtogaráðstefnan kemur til vegna mikillar hækkunar að undanförnu í matvælum. Fátækari lönd hafa staðið frammi fyrir 40% aukningu á innflutningsverði á mat í ár og sérfræðingar segja matvælaverð sumra landa hafa tvöfaldast síðasta árið. Talið er að yfirstandandi matvælakreppa hafi valdið því að 100 milljónir manna í heiminum líði hungursneyð um þessar mundir.

Matvæla- og landbúnaðarstofnun Sameinuðu þjóðanna hefur varað við að ef hinar iðnvæddu þjóðir auki ekki framleiðslu á matvöru og stuðli ekki að því að matvara fari þangað sem hennar er mest þörf þá gæti framhaldið endað með hörmungum á heimsvísu.