Tugir þúsunda mótmæltu innflutningi á nautakjöti í S-Kóreu

Um fjörtíu þúsund manns mótmæltu í nótt áætlunum stjórnvalda í Suður-Kóreu um að hefja aftur innflutning á nautakjöti frá Bandaríkjunum.

Til átaka kom milli lögreglu og mótmælenda eftir friðsæla mótmælagöngu í gærkvöldi. Innflutningur á nautakjöti frá Bandaríkjunum hefur verið bannaður síðastliðin fimm ár vegna ótta Suður-Kóreumanna um að bandarískir nautgripir geti verið haldnir riðuveiki.

Hinsvegar sömdu stjórnir landanna um það í apríl að hefja aftur innflutning á nautakjöti frá Bandaríkjunum í tengslum við stærri viðskiptasamning, sem nú bíður afgreiðslu á Bandaríkjaþingi.

Bandaríkjamenn segja ekkert benda til að nokkuð sé að kjötinu, en riðuveiki í kjöti getur valdið Creutsfeldt-Jakobs sjúkdómnum hjá fólki sem borðar kjötið.