Obama nánast búinn að tryggja sér sigur

Barack Obama er nánast búinn að tryggja sér sigur og þar með útnefningu sem næsta forsetaefni Demókrataflokksins í komandi forsetakosningum í Bandaríkjunum.

AP fréttastofan gengur svo langt að segja að Obama hafi þegar tryggt sér sigur en stjórnmálaskýrendur í Bandaríkjunum eru ekki allir á sama máli.

Samkvæmt talningu Fox News fréttastöðvarinnar vantar Obama einungis sjö kjörmenn til þess að ná útnefningu og BBC segir að hann vanti 25 kjörmenn.

Það vantar lítið upp á og því má leiða að því líkur að Obama tryggi sér sigur í kvöld. Næstu kjörstaðir loka eftir rúma 3 klukkutíma.

Hillary Clinton sem barist hefur við Obama opnaði á þann möguleika í kvöld að hugsanlega myndi hún vera varaforsetaefni Obama. Hún hefur þó ekki staðfest það.

Verði þetta niðurstaðan er Obama fyrsti blökkumaðurinn til þess að vera leiðtogaefni í forsetakjöri.