Diarra vill vera áfram hjá Portsmouth

Lassana Diarra hefur sagt að hann vilji vera áfram í herbúðum Portsmouth en hann hefur vakið áhuga annarra liða, til að mynda Manchester City.

Mark Hughes, nýráðinn stjóri City, var tilbúinn að greiða átta milljónir punda fyrir Diarra. Hann hefur hins vegar sagt að hann sé aðeins tilbúinn að yfirgefa Portsmouth ef fjögur stærstu félög heims væru á eftir honum - Manchester United, Real Madrid, Barcelona og Chelsea.

Portsmouth varð í vor enskur bikarmeistari og keppir á næsta ári í Evrópukeppni félagsliða. Það skipaði stóran sess í ákvörðun Diarra að vera áfram í herbúðum Portsmouth.