Lögreglan í Kaupmannahöfn rannsakar klámfenginn barón

Lögreglan í Kaupmannahöfn rannsakar nú forstjóra af aðalsættum í borginni en hann er sakaður um að hafa reynt að tæla 13 og 14 ára stúlkur til fylgilags við sig.

Forstjórinn er rúmlega fertugur og hefur barónstign. Hann tilheyrir einni af fínustu fjölskyldum borgarinnar. Fylgst var með athæfi hans um mánaðaskeið á barnasíðunni Speek.dk.

Hann sendi stúlkunum upptökur af sér í sjálfsfróun auk mynda af kynfærum sínum. Sjálfur segir maðurinn í samtali við Ekstra Bladet að aðeins hafi verið um saklausa skemmtun að ræða af hans hálfu.