Vilja banna klasasprengjur

Fulltrúar um 100 ríkja hafa ákveðið að gera samkomulag sem felur í sér bann við þeirri gerð klasasprengja sem nú er notuð. Erindrekar ríkjanna hafa fundað í Dublin síðustu daga þar sem þetta mál var rætt. Stærstu ríkin sem framleiða slíkar sprengur, meðal annars Bandaríkin, Rússland og Kína mótmæla þessu samkomulagi. Bretar eru hins vegar ekki á meðal andstæðinga samkomulagsins og Gordon Brown, forsætisráðherra Breta, sagði að þetta væri mikilvægt skref til þess að gera veröldina hættuminni.