Danskir skólar klaga einelti til lögreglunnar

Skólar í Danmörku freista þess nú hvað þeir geta að vinna bug á einelti á meðal nemenda. Enginn þeirra gengur þó lengra en Gug skólinn í Álaborg. Þar eru nemendur sem ganga of langt í að leggja aðra í einelti klagaðir til lögreglu.

Per Damborg, kennari við skólann, segir í samtali við danska ríkisútvarpið að ef nemandi gangi of langt, til dæmis með því að senda morðhótanir á netinu eða segir eitthvað ærumeiðandi um foreldra annars barns, þá verði umsvifalaust kallað til lögreglunnar.

Þegar hefur komið upp eitt tilvik þar sem kallað var til lögreglu og segir Damburg að það hafi samstundis borið árangur.