Vandræðaleg beiðni um aðstoð

Eini hryðjuverkamaðurinn sem komst lifandi frá árásinni á Mumbai á Indlandi á dögunum hefur beðið yfirvöld í Pakistan um aðstoð vegna þess að enginn indverskur lögfræðingur vill verja hann.

Hátt á annað hundrað manns féllu í árás tíu hryðjuverkamanna á Mumbai. Þeir voru allir frá Pakaistan. Indverskir lögfræðingar segja að úr frá siðferðissjónarmiðum og þjóðernisást geti þeir ekki tekið að sér að verja mann sem hefur slíkt ódæðisverk á samviskunni.

Gera má því skóna að yfirvöld í Pakistan séu ekki ýkja hrifin af þessari beiðni. Í upphafi kenndu Indverjar þeim um árásina en þau hafa svarið og sárt við lagt að þau hafi hvergi komið þar nærri.

Beiðni morðingjans hefur ekki enn verið svarað.