Setið var um stúlkuna sem dó í London

Fjölskylda stúlkunnar, Arsenu Dawit sem var stungin til bana á mánudaginn í London, hafði kvartað til lögreglu yfir þráhyggjufullum manni sem þau segja að hafi hótað að drepa hana. Lögreglan hefur handtekið mann á þrítugsaldri en hann fannst á göngubrú yfir ánni Thames þar sem hann hótaði að fremja sjálfsmorð.

Stúlkan, sem virðist hafa verið á leiðinni heim úr skólanum, var stungin á hrottafenginn hátt í lyftu í blokkinni sem hún bjó í, nálægt Waterloo-lestarstöðinni í Suður-London.

Fjöskyldunni finnst lögreglan hafa brugðist dóttur sinni með því að takast ekki að vernda hana fyrir umsitjandanum. Lögreglan sagði þeim víst að þeir gætu ekkert aðhafst varðandi manninn en stúlkan kynntist honum í kirkjunni þar sem hún tók þátt í kórstarfi.

Rannsókn var hins vegar í gangi í málinu og hafði lögreglan yfirheyrt stúlkuna í skólanum sínum. Hún hafði neitað því að vita nokkuð um þetta mál. Rannsókn var enn í gangi þegar stúlkan var myrt.

16 unglingar hafa þegar verið myrtir víðsvegar í London flestir af völdum stungusára. Arsena Dawit var fyrsta unglingsstúlkan til að vera myrt á árinu.