Verður West Ham aftur örlagavaldur Man Utd?

Nú um helgina tekur Manchester United á móti West Ham í næstsíðustu umferð ensku úrvalsdeildarinnar. United þarf nauðsynlega að vinna leikinn til að halda í við Chelsea sem mætir Newcastle á mánudaginn.

Þetta er ekki í fyrsta sinn sem United mætir West Ham í mikilvægum leik undir lok tímabilsins en sagan sýnir að þótt West Ham hafi engra hagsmuna að gæta verði liðið allt annað en auðveld bráð.

West Ham hefur unnið þrjá síðustu leiki sína gegn United og Alan Curbishley er með 100 prósent árangur gegn liðinu síðan hann tók við West Ham.

West Ham hefur tvívegis komið í veg fyrir það að United yrði meistari og í fyrra bjargaði liðið sér frá falli með því að vinna United á Old Trafford.

West Ham var á botni deildarinnar og var þegar fallið úr ensku úrvalsdeildinni. Engu að síður vann West Ham sigur á United þökk sé marki Kenny Brown á 66. mínútu.

Þetta þýddi að United varð einu stigi á eftir Leeds sem náði að halda toppsæti deildarinnar allt til loka.

14. maí 1995

United misst af sínum þriðja meistaratitli í röð er liðið gerði 1-1 jafntefli við West Ham á Upton Park.

Michael Hughes kom West Ham yfir en Brian McClair jafnaði metin fyrir United í síðari hálfleik. Sigur hefði dugað liðinu til að verða meistari þar sem að Blackburn var að tapa á sama tíma fyrir Liverpool.

Andy Cole fór hins vegar illa með þrjú dauðafæri í lok leiksins og varð því Blackburn meistari það tímabilið en liðinu var stýrt af Kenny Dalglish.