Gassprenging í námu í Úkraínu - um 35 menn fastir neðanjarðar

Gassprenging varð í gær í námu í Úkraínu sem lokaði um 35 manns inni niðri í námunni. Fimm manns slösuðust fyrir utan námuna. Tveimur mönnum hefur þegar verið bjargað en björgunarmenn reyna nú að bjarga hinum mönnunum. Tíminn sem þeir hafa til björgunar er naumur þar sem vatn mun líklega flæða innan fárra stunda inn í námugöngin.

Karl Marx náman er í Donetskhéraðrinu í Úkraínu og er 110 ára gömul. Námur í Úkraínu eru margar hverjar gamlar og úr sér gengnar og eru sprengingar algengar í þeim. Námuverkamennirnir voru að vinna við öryggisúrbætur í námunni þegar sprengingin varð.