Hótuðu að brenna bandaríska og breska sendierindreka

Bandarískir og breskir sendierindrekar voru hætt komnir í Zimbabve í gær þegar lögregla og hermenn þar í landi stöðvuðu bílalest þeirra og hótuðu að brenna þá lifandi. Að sögn Sean McCormack, talsmanns bandaríska utanríkisráðuneytisins, voru fimm bandarískir sendiráðsstarfsmenn teknir höndum.

„Málið var leyst en það er síður en svo gleymt," sagði McCormack. Nokkrum klukkustundum eftir atvikið lét félagsmálaráðherra Zimbabve, Nicholas Goche, þau orð falla að öllum hjálparstofnunum væri fyrirskipað að hætta starfsemi í landinu þar til að forsetakosningunum loknum.

Þrátt fyrir þessi ummæli lét Boniface Chidyausiku, sendiherra Zimbabve hjá Sameinuðu þjóðunum, að eingöngu samtökunum Care International hefði verið fyrirskipað að hætta starfsemi sinni í Zimbabve. Stjórn Zimbabve hefur sakað félaga í Care, sem margir hverjir eru Zimbabve-búar, um að dreifa áróðursbæklingum gegn stjórninni.

CNN greindi frá þessu.