Birnir ollu uppistandi á veitingastað í Rúmeníu

Hungraðir birnir ollu miklu uppistandi á veitingahúsi í borginni Sinaia í Rúmeníu er þeir gengu þar inn og hófu að éta af diskum viðstaddra.

Gestir veitingahússins flúðu á brott en þá gengu birnirnir inn í eldhús staðarins og héldu áti sínu áfram. Þeir héldu svo á brott áður en lögreglan kom á staðinn.

Um var að ræða birnu með tvo stálpaða húna sína. Eigandi veitingahússins segir að þetta hafi verið eins og ævintýrið um Gullinbrá og birnina þrjá bara með öfugum formerkjum.