Íhuguðu mannát eftir flugslys

Þeir sem lifðu af flugslys í Chile í vikunni íhuguðu að leggja lík flugmannsins sér til munns þegar hungrið svarf hvað mest.

Flugvél að gerðinni Cessna 2008 með tíu innanborðs brotlenti í fjallgarði í suðurhluta Chile síðastliðinn laugardag. Það var ekki fyrir en á miðvikudaginn að þyrla hersins í Chile fann brakið af flugvélinni. Það tók björgunarmenn langan tíma að komast brakinu þar sem aðstæður voru erfiðar.

Flugmaður vélarinnar særðist við brotlendinguna og lést af sárum sínum á mánudaginn. Í framhaldinu íhuguðu farþegarnir að borða flugmanninn en þeir þurftu ekki að grípa til þess örþrifaráðs.

Slysið þykir minna á annað slys þegar að íþróttalið frá Úrúgvæ brotlenti í Andesfjöllum árið 1972. Eftirlifendur háðu 72 daga baráttu fyrir lífi sínu og þurftu meðal annars að leggja fyrrverandi félaga sína sér til munns.