Vörubílstjórar mótmæla aftur eldsneytisverði í Lundúnum

Mörg hundruð vöruflutningabílar stefna til Lundúna og er ferðin farin til að mótmæla háu olíuverði. Olíuverð er hærra í Bretlandi en á Íslandi.

Um tíu þúsund félagar eru í samtökum vöruflutningabílstjóra sem skipulögðu aksturinn til Lundúna. Þetta er í þriðja sinn sem vörubílstjórnar láta til sína taka og þrýsta á stjórnvöld um að lækka skatta á olíu.

Olíulítrinn í Bretlandi kostar 1 pund og þrjátíu, sem er tæplega 207 krónur íslenskrar. Vörubílstjórnar benda á að olían kosti minna í Frakklandi, Þýskalandi og í Belgíu. Vöruflutningabílstjórnar vilja að stjórnvöld í Bretlandi lækki skatta á olíu sem þeir segja allt of háa miðað við lönd í Evrópusambandinu.

Lögreglan fylgir vöruflutningabílunum á ferðalaginu til Lundúna þar sem vörubílstjórnar vonast til að þeir geti komið kröfum sínum til skila til Gordon Brown forstæisráðherra. Síðast þegar vörubílstjórnar efndu til mótmælaaksturs vegna olíuverðs stöðvaðist öll umferð um aðalaksturleiðir til Lundúna.