Jo til City í dag

Búist er við því að Brasilíumaðurinn Jo verður kynntur sem leikmaður Manchester City á blaðamannafundi í Manchester síðar í dag.

Talið er að Jo verði dýrasti leikmaður í sögu félagsins en samkvæmt fregnum var hann keyptur frá CSKA Moskvu fyrir átján milljónir punda.

Jo, sem er 21 árs, er á mála hjá Kia Jorrabchian - þeim sama og er með Carlos Tevez og Javier Mascherano á sínum snærum. City hefur því vaðið fyrir neðan sig og hefur haft samband við enska knattspyrnusambandið til að láta það staðfesta samninginn.

Eftir Tevez-málið svokallaða er ólöglegt að semja við leikmenn sem eru í eigu þriðja aðila. City verður því að ganga úr skugga um að Jo sé algerlega laus allra tengsla við Joorabchian.