Gaydamak reiðubúinn að selja Portsmouth

Alexandre Gaydamak, eigandi Portsmouth, segist nú reiðubúinn að selja félagið sem hann keypti í janúar árið 2006.

Ástæðurnar segir hann vera annríki í sínum viðskiptum. „Ég hef gert mér nú grein fyrir því að ég get ekki lengur eytt þeim tíma sem þarf til að sjá um rekstur félagsins," sagði hann í samtali við enska fjölmiðla.

Hann sagði enn fremur að hann ætlaði ekki að selja neinum félagið nema að viðkomandi myndi skuldbinda sig til að byggja nýjan leikvang og nýtt æfingasvæði.