Kinnear aftur ákærður

Enska knattspyrnusambandið hefur ákært Joe Kinnear, knattspyrnustjóra Newcastle, í annað sinn á tímabilinu. Ákæruna að þessu sinni fær hann fyrir framkomu við dómara í leiknum gegn Stoke á laugardag.

Mike Riley dæmdi leikinn sem endaði með jafntefli 2-2. Kinnear lét hörð orð falla í garð hans og aðstoðarmanna hans meðan á leik stóð. Honum var vísað upp í stúku eftir að hafa mótmælt aukaspyrnudómi harðlega. Eftir aukaspyrnuna jafnaði Abdulaye Feye fyrir Stoke.

Kinnear var einnig ákærður fyrir skömmu fyrir að líkja dómaranum Martin Atkinson við Mikka Mús eftir tap gegn Fulham 9. nóvember. Hann hefur átt fleiri litríkar uppákomur síðan hann tók við stjórnartaumunum á Newcastle og blótaði m.a. breskum fjölmiðlum í sand og ösku á blaðamannafundi. Hann byrjaði reyndar í tveggja leikja banni þegar hann tók við Newcastle vegna gamalla synda síðan hann var með Nottingham Forest.