Mugabe verður að hætta öllu ofbeldi

Hvíta húsið hefur blandað sér inn í kosningafíaskóið sem nú ríkir í Simbabve. Hafa yfirvöld í Bandaríkjunum biðlað til yfirvalda í landinu og þeirra "óþokka" sem þar eru að hætta öllu ofbeldi.

Yfirlýsingin kemur í kjölfar þess að Morgan Tsvangirai leiðtogi stjórnarandstöðuflokksins dró framboð sitt til forseta tilbaka fyrr í dag.

„Ríkisstjórnin í Simbabve og þeir óþokkar sem þar eru verða að hætta ofbeldinu hið snarasta," sagði Carlton Carroll, aðstoðar fjölmiðlafulltrúi Hvía Hússins.

„Allir flokkar eiga að fá að taka þátt í löglegum kosningum og eiga ekki að vera beittir þvingunum né ólöglegum aðgerðum af hálfu stjórnvalda, vopnuðum hermönnum né uppgjafarhermönnum," sagði Carroll ennfremur.