Vara Írana við hertum refsiaðgerðum

Bush Bandaríkjaforseti og Brown forsætisráðherra Bretlands vörðu Írana í morgun við hertum refsiaðgerðum ef þeir samþykktu ekki samvinnu við vesturveldin vegna kjarnorkuáætlunar sinnar.

Þetta kom fram á blaðamannafundi Bush og Brown í Lundúnum í morgun. George Bush er í opinberri heimsókn í Bretlandi þar sem hann átti í gær fund með Elísabetu Englandsdrottningu. Bush hefur verið á eins konar kveðjuferðalagi um Evrópu en hann lætur af embætti sem forseti eftir hálft ár.