Benitez í viðræðum um nýjan samning

Rafa Benitez, knattspyrnustjóri Liverpool, mun funda með eigendum félagsins í næstu viku um framlengingu á samningi sínum við félagið.

Benitez skrifaði síðast undir fjögurra ára samning í júní árið 2006 en félagið vill halda honum lengur. Og sjálfur vill Benitez vera áfram hjá Liverpool.

„Við ákváðum að hittast í næstu viku. Við höfum ekki rætt um lengd samningsins en við viljum finna lausn á þessu sem allra fyrst. Hvað mig varðar er þetta mjög einfalt - ég vil vera áfram hér."

Liverpool er að undirbúa byggingu nýs leikvangs og vonast Benitez til að hann verði enn hjá félaginu þegar hann verður vígður.