Kúrdar neyta aðild að sprengjutilræðunum í Istanbul

Talsmenn Verkamannaflokks Kúrda, PKK, neita því að vera viðriðnir sprengjutilræði í Istanbul í gærkvöldi. Sautján létust í tveimur sprengingunum og hundrað og fimmtíu slösuðust.

Tyrkneski forsætisráðherrann, Erdogan, fór í dag frá Ankara eftir ríkisstjórnarfund til Istanbúl til að líta á vegsummerki. Tvær sprengjur sprungu í verkamannahverfi í Evrópuhluta Istanbúl á fjölfarinni götu með þeim afleiðingum að sautján fórust og hundrað og fimmtíu slösuðust.

Sprengurnar sprungu með tíu mínútna millibili. Talsmenn Kúrda neita því að vera viðriðnir sprengjutilræðin og segja að tyrkneskir þjóðernissinnar bera ábyrgð á ódæðinu til að styrkja stöðu sína innan hersins. Kúrdar hafa ekki beint spjótum sínum að óbreyttum borgurum í baráttu sinni fyrir sjálfstæðu Kúrdistan, en sú barátta hófst árið 1984. Þeir hafa háð blóðuga baráttu fyrir sjálfstæðu Kúrdistan í suðurhluta Tyrklands.