Rússneskir saksóknarar vestur

Rússnesk yfirvöld vonast til að fá bráðlega heimild til að senda menn til Bretlands til að rannsaka eitrunardauða fyrrverandi njósnarans Alexanders Litvinenko. Frá þessu greindi rússneska ríkissaksóknaraembættið í gær.

Þegar hefur verið upplýst að rússneskir saksóknarar vilja meðal annars ræða við annan landflótta Rússa í Bretlandi, auðkýfinginn Boris Berezovskí, sem eitt sinn var innundir hjá valdhöfum í Kreml en lenti svo rækilega úti í kuldanum. Berezovskí og Litvinenko áttu það sameiginlegt að gagnrýna núverandi valdhafa eystra heiftarlega.