Sofnuðu út frá eldamennskunni

Slökkvilið höfuðborgarsvæðisins var kallað út tvisvar í morgunsárið að í íbúðum í austurborginni eftir að sársvangir næturhrafnar höfðu sofnað út frá eldamennsku. Reykskynjarar fóru í gang en hinir þreyttu mathákar sváfu sem fastast.

Samkvæmt upplýsingum frá slökkvilið höfuðborgarsvæðisins var í báðum tilvikum um lítinn reyk að ræða og þurfti aðeins opna glugga til að reykræsta íbúðirnar. Að sögn slökkviliðsins eru svona útköll nokkuð algeng um helgar að morgni til.