Liverpool sigraði Toulouse

Nú rétt í þessu lauk fyrri leik Toulouse og Liverpool í forkeppni Meistaradeildar Evrópu. Leiknum lauk með 0-1 sigur Liverpool. Eina mark leiksins skorði Andriy Voronin með góðu skoti á 42.mínútu leiksins.

82. mínúta - Moussa Sissoko, nafni Momo Sissoko hjá Liverpool, kemur inn á hjá Toulouse. Pilturinn er 17 ára og eru Man Utd og Arsenal sagðir á höttunum eftir honum. Liverpool heldur leiknum í spennitreyju. Mestur tími fer í miðjumoð og allt stefnir í góðan 0-1 sigur fyrir Benitez og félaga.

78. mínúta - Markaskorarinn Voronin fer af velli. 20 milljón punda maðurinn Torres kemur inná í hans stað.

70. mínúta - Miðjumaðurinn Paolo Cesar fer út af fyrir sóknarmanninn Gignac. Toulouse reyna að þyngja sóknirnar en ná ekki að valda Liverpool nægilegum vandræðum.

66. mínúta - Mathieu á skot að marki Liverpool eftir hornspyrnu en það fer langt framhjá.

64. mínúta - Sissoko kemur inn á fyrir Gerrard sem fékk létt högg skömmu áður. Benitez tekur engar áhættur fyrir leikinn gegn Chelsea á sunnudaginn og kippir fyrirliðanum honum útaf. Carragher tekur við bandinu.

60. mínúta - Gerrard á skot með vinstri. Boltinn fer í varnarmann og afturfyrir. Dómarinn dæmir ekkert og Gerrard mótmælir. Skömmu áður fékk Elmander gult fyrir brot á Mascherano.

56. mínúta - Toulouse eru jafnt og þétt að auka sóknarþunga sinn án þess þó að skapa sér mörg teljandi marktækifæri. Liverpool virðast sáttir með sinn hlut. John Arne Riise kemur inn á fyrir Yossi Benayoun

50. mínúta - Mathieu leikur á Hyypia og kemst einn inn í teig. Sending á samherja er misheppnuð og Liverpool bjargar í horn. Hornið verður að engu.

45. mínúta - Dómari leiksins flautar seinni hálfleik á. Liðin eru óbreytt fyrir utan að Bergougnoux fór útaf fyrir Mansare hjá Toulouse.

45. mínúta - Dómari leiksins hefur flautað til hálfleiks.

42. mínúta - MARK! Voronin kemur Liverpool í 0-1 með hörkuskoti af 25 metra færi. Mínútu síðar á Emana hjólhestaspyrnu fyrir Toulouse en boltinn fór rétt framhjá

37. mínúta - Javier Mascherano kemst einn upp að endalínu en rétt missir boltann út af áður en hann nær fyrirgjöfinni. Leikurinn er frekar hægur enda heitt í Frakklandi. Það hentar Liverpool ágætlega á meðan staðan er 0-0 og heimaleikurinn eftir.

26. mínúta - Fyrrverandi þjálfari Liverpool, Gerard Houllier sem nú þjálfar Lyon er á vellinum í dag og fylgist með sínum gömlu lærisveinum.

19. mínúta - Svíinn Elmander á máttlaust skot að marki Liverpool rétt fyrir utan teig sem Reyna handsamar örugglega. Elmander þessi skoraði sigurmark Toulouse gegn Lyon um síðustu helgi.

15. mínúta - Liverpool leikur ekki með sína hefðbundnu Carlsberg auglýsingu á búningi sínum þar sem óheimilt er að auglýsa bjór á íþróttaleikjum í Frakklandi.

10. mínúta - Benayoun leikur á varnarmann Toulouse í vítateig en nær ekki skoti á markið. Töluvert jafnræði er á með liðunum enn sem komið er.

Byrjunarlið Liverpool: Reyna, Finnan, Carragher, Hyypia, Aerbeloa, Benayoun, Gerrard, Mascherano, Babel, Voronin og Crouch.

Varamenn: Kuyt, Torres, Sissoko, Alonso, Riise, Agger og Itjande.

Byrjunarlið Toulouse: Douchez, Ebondo, Mathieu, Cetto, Fofona, Cesar, Sirieix, Emana, Dieuz, Elmander og Bergougnoux.

Varamenn: Mansare, Sissoko, Gignac, Fabinho, Batlles, Jonsson og Riou.