Gallas: Við sýndum öllum að við getum barist á toppnum í vetur

William Gallas, fyrirliði Arsenal, segir að liðið hafi sýnt það í leiknum gegn Fulham um helgina að liðið sé tilbúið til að vera í toppbaráttunni í vetur. Arsenal gátu þó varla byrjað tímabilið verr því að David Healy skoraði strax fyrir Fulham í upphafi leiks eftir slæm mistök hjá markverðinum Jens Lehmann. Mörk frá Robin van Persie og Alexander Hleb seint í leiknum tryggðu Arsenal 2-1 sigur.

„Við sýndum öllum að við getum verið í toppbaráttunni í vetur," sagði Gallas. „Það sást að það er góður andi í liðinu. Við viljum vinna og við viljum berjast. Kannski gerist eitthvað í vetur. Kannski vinnum við eitthvað."