Chelsea vann Birmingham naumlega

Chelsea vann nú rétt í þessu nauman sigur á nýliðum Birmingham. Forsell kom Birmingham yfir áður en Malouda og Pizzaro svöruðu fyrir Chelsea. Kapo jafnaði þá fyrir Birmingham áður en Essien tryggði sínum mönnum sigur með góðu marki á 49. mínútu. Lokatölur 3-2

49. mínúta - Michael Essien er búinn að koma Chelsea í 3-2 með fallegu skoti rétt fyrir utan vítateig.

35. mínúta - Oliver Kapo skorar stórkostlegt mark með fallegu skoti og jafnar leikinn fyrir Birmingham. Þrír af fjórum markaskorurum í dag eru að leika sinn fyrsta leik í ensku deildinni.

31. mínúta - Frakkinn Flaurent Malouda skorar í sínum fyrsta leik fyrir Chelsea og kemur sínum mönnum í 2-1. Í augnablikinu er algjör einstefna að marki Birmingham.

18. mínúta - Claudio Pizzaro skorar í sínum fyrsta leik fyrir Chelsea og jafnar leikinn.

15. mínúta - Finninn Mikael Forsell kemur Birmingham óvænt yfir með góðu marki.

BIRMINGHAM

Keyptir:

Fabrice Muamba. Nítján ára miðjumaður keyptur frá Arsenal fyrir ótilgreinda upphæð. Muamba var lánsmaður hjá Birmingham í fyrra.

Stuart Parnaby. Eftir 14 ára feril hjá Middlesbrough gengur þessi hægri bakvörður til liðs við Birmingham.

Gary O´Connor. Skoskur framherji keyptur á 2.7 milljónir punda frá Lokómótiv í Moskvu.

Oliver Kapo. Franskur landsliðsmaður fæddur á Fílabeinsströndinni keyptur frá Juventus á 3 milljónir punda.

Daniel De Ridder. 23 ára hollenskur landsliðsmaður fenginn á frjálsri sölu frá Celta Vigo. De Ridder var í U21 landsliði Hollendinga sem urðu Evrópumeistarar í sumar.

Richard Kingston. 28 ára landsliðsmarkvörður frá Ghana. Kom á frjálsri sölu frá Tyrkneska liðinu Antalyaspor og skrifaði undir tveggja ára samning.

Franck Quedrue. Bakvörður keyptur frá Fulham á 2.5 milljónir punda.

Liam Ridgewell. Varnarmaður keyptur frá erkióvinunum í Birmingham á 2 milljónir punda.

Seldir:

Bruno N´Gotty. 35 ára franskur varnarmaður farinn til Leicester á frjálsri sölu.

Julian Gray. 27 ára. Fer á frjálsri sölu til Crystal Palace.

Stepen Clemence og DJ Campell eru seldir til Leicester fyrir rúmar 3 milljónir punda. Clemence er 29 ára miðjumaður og Campell er 25 ára sóknarmaður.

CHELSEA

Keyptir:

Steve Sidwell. 24 ára miðjumaður kemur frá Reading á frjálsri sölu

Claudio Pizarro. 28 ára sóknarmaður sem kom á frjálsri sölu frá Bayern

Munchen

Tal Ben Haim. 25 ára miðvörður frá Ísrael. Kom til Chelsea á frjálsri sölu.

Florent Malouda. 27 ára kantmaður og franskur landsliðsmaður keyptur frá Lyon á 13 milljón punda. Hann skrifar undir fjögurra ára samning.

Seldir:

Nuno Morais. 23 ára Portúgali. Fór til kýpversku meistaranna í Apoel Nicosia á frjálsri sölu.

Yves Makabu-Ma-Kalambay. 21 árs markvörður. Skrifaði undir þriggja ára samning hjá Hibs.

Geremi. 28 ára miðjumaður frá Kanarí. Fer til Newcastle á frjálsri sölu.