Amsterdam mótið hefst í dag

Hið árlega Amstardam mót í knattspyrnu hefst í dag en mótið er eitt það virtasta á undirbúningstímabili evrópskra knattspyrnuliða. Eins og ávalt er gestgjafinn Ajax og keppa alls fjögur lið um titilinn að venju.

Manchester United vann titilinn í fyrra en Arsenal árið áður. Arsenal er nú aftur meðal liða á mótinu og freistar þess að fá Amsterdam titilinn aftur til Lundúna. Allir leikirnir fara fram á Amstardam Arena, heimavelli Ajax sem tekur 52 þúsund áhorfendur.

Arsenal mætir ítalska liðinu Lazio í dag klukkan 16:30 og Ajax leikur við spænska liðið Atlethico Madrid klukkan 18:40 og verða báðir leikirnir í beinni útsendingu á Sýn.