Norður Kóreumenn óska eftir viðræðum

Stjórnvöld í Norður-Kóreu hafa óskað eftir viðræðum við bandarísk stjórnvöld til að tryggja frið og öryggi á Kóreuskaganum. Bandarísk stjórnvöld segjast hins vegar ekki tilbúin til viðræðna fyrr en tryggt er að Norður-Kóreumenn falli frá kjarnorkuáætlun sinni.

Von er á eftirlitsaðilum frá Alþjóðakjarnorkumálastofnuninni til Norður Kóreu á morgun til að fylgjast með þegar slökkt verður á aðalkjarnaofni þeirra.

Á miðvikudaginn hittast svo í Peking í Kína fulltrúar frá Kóreuríkjunum tveimur, Japan, Rússlandi, Kína og Bandaríkjunum til að ræða afnám kjarnorkuáætlunar Norður Kóreu.