Gleypti eitraðan peningaseðil

Umferðarlögreglumaður frá Kenýa gleypti peningaseðil til að koma í veg fyrir að vera handtekinn þegar lögreglumenn sem vinna að því að uppræta spillingu stóðu hann að mútuþægni. Spillingarlöggurnar leiddu umferðarlögguna í gildru með því að bjóða honum mútur þegar bíll þeirra var stöðvaður við vegtálma. Peningaseðlinum höfðu þeir hinsvegar dýft í efni sem getur verið eitrað til að auðkenna hann örugglega frá öðrum seðlum.

Þegar umferðarlöggan hinsvegar gleypti seðilinn stóð annari spillingarlöggunni ekki á sama og hvatti umferðarlögguna til að spýta seðlinum, annars gæti hann dáið úr eitrun. Spillingarlöggurnar handtóku í kjölfarið umferðarlögguna. Átakið er gert vegna þess að umferðarlögreglumenn eru alræmdir í Kenýa fyrir að fékúga ökumenn, sérstaklega rukka þeir smárútufarþega, en smárútur í einkaeigu eru almenningssamgöngur þarlendra.