Gróðurhúsaáhrif versnandi

Gróðurhúsaáhrif eru vissulega til staðar og þau fara versnandi, og sennilega verður það orðað með enn skýrari hætti þegar Alþjóðleg nefnd um loftlagsbreytingar skilar af sér skýrslu á fundi sem haldinn er um málið í París.

Búist er við að skýrslan birtist í endanlegri mynd á morgun. Þetta er fjórða skýrsla sinnar tegundar síðan 1990 en nefndin hefur starfað á vegum Sameinuðu þjóðanna síðan 1988. Skýrslan verður að sögn sérfræðinga sem sitja ráðstefnuna 90% nákvæm og mun hún spá 1,5-5,8 gráðu hækkun á meðalhitastigi á næstu hundrað árum. Sérfræðingarnir segja hinsvegar að með samstilltu átaki opinberra aðilla og einstaklinga sé hægt að snúa þróuninni við.