Varar við áframhaldandi hættu á fuglaflensufaraldri

Margaret Chan, nýr forstjóri Alþjóðaheilbrigðisstofnunarinnar, segir fuglaflensu enn vera ógn við mannkyn þrátt fyrir að lítið hafi frést af fuglaflensutilvikum undanfarna mánuði.

Chan, sem er kínversk og sérfræðingur í fuglaflensu, tók við starfinu nú um áramót og greindi frá því á blaðamannafundi að fuglaflensutilvikum hefði fjölgað undanfarnar vikur og að Alþjóðaheilbrigðismálastofnunin hefði sérstakar áhyggjur af smiti á alifuglabæ í Víetnam, en þar hefur flensan ekki greins í nærri ár. Þá lofaði hún því að taka hart á löndum sem ekki ynnu með stofnuninni gegn því að stöðva útbreiðslu veikinnar.

Enn fremur sagði Chan að hún myndi í forstjóratíð sinni leggja áherslu á að bæta heilsu fólks í Afríku, sérstaklega kvenna, en eins og kunnugt glíma fjölmörg lönd í álfunni við alnæmisfaraldur.