Bolton kaupir norskan kantmann frá Rosenborg

Norski kantmaðurinn Daniel Braaten hefur samþykkt að ganga til liðs við Heiðar Helguson og félaga í Bolton. Bolton borgar Rosenborg 425 þúsund pund fyrir þennan 25 ára leikmann. Nokkrir enskir og franskir klúbbar voru á eftir leikmanninum en Bolton sigraði kapphlaupið.

Braaten býst við harðri samkeppni um sæti í liðinu. „Ég veit ekki mikið um staðinn, en ég þekki suma leikmennina og þekki einnig eitthvað til félagsins," sagði Braaten við Dagbladet. „Þetta virkar spennandi. Án ef stórt skref upp á við"