Leitar að kvenkyns grafarvini

Einhleypur kínverskur karlmaður auglýsir eftir kvenmanni á netinu sem vill deila með honum gröf eftir dauðann.

„Ég var að spjalla við vini mína á bar og við fórum að ræða um lífið og dauðann. Þeim fannst sorglegt að vera alltaf einsamall, jafnvel eftir dauðann. Um kvöldið fór ég að velta þessu alvarlega fyrir mér og datt í hug að auglýsa eftir grafarvini,“ segir hinn 45 ára gamli Li.

Í auglýsingunni segist Li vera einhleypur en félagslyndur, og hann sé ekki að leita að ástarsambandi.