Girntist þriggja ára gamalt barn

Geðlæknir frá Sádi-Arabíu var á föstudag dæmdur í sjö ára fangelsi fyrir að ferðast til Bandaríkjanna með það að markmiði að hafa mök við barn. Í gegnum internetið komst Nabil Al Rowais í samband við mann sem ætlaði að veita honum aðgang að þriggja ára dóttur sinni.

Maðurinn var útsendari lögreglu og Rowais var handtekinn þegar hann kom á áfangastað.

Rowais samdi um níu ára fangelsisvist. Dómari stytti vistina, þar sem hann taldi Rowais stafa hætta af öðrum föngum vegna eðlis glæpsins, þjóðernis síns og lélegra líkamsburða.