Leitað að indónesískri flugvél

Leitar- og björgunarmenn hafa verið sendir af stað til að leita að indónesískri farþegavél með 102 innanborðs sem ekki hefur heyrst í síðan klukkan 7 í morgun. Flugvélin var á leiðinni frá Jövu til Manado á Sulawesi-eyju. Flugið ætti ekki að taka nema tvo tíma en á miðri leið tapaðist samband við vélina og hefur ekki heyrst í henni síðan.

Björgunarmenn vonast til að vélin hafi þurft að nauðlenda og að flugmönnunum hafi tekist vel upp í því, en ekki er á vísan að róa.

Vélin átti að lenda  96 farþegar eru í vélinni, sem er af gerðinni Boeing 737-400, og 6 áhafnarmeðlimir. Hún lagði upp frá Jakarta í nótt og hafði millilendingu á Surabaya á Jövu og var á leið þaðan til Manado. Flugumferðarstjórar töpuðu sambandi við hana þegar hún var í 35 þúsund feta hæð á leið til Manado. Það var eftir klukkutíma flug, á miðri leið.