West Ham á eftir Dyer

Eggert Magnússon og félagar í West Ham eru ekki hættir að hugsa um leikmannakaup þrátt fyrir að hafa fengið til sín fimm leikmenn í sumar. Núna hafa þeir beint athygli sinni að Kieron Dyer hjá Newcastle. Ástæðan fyrir þessum skyndilega áhuga er sú að Julien Faubert sem að West Ham keypti fyrr í sumar verður frá vegna meiðsla næsta hálfa árið.

Dyer er talinn vera að leita sér að nýrri áskorun eftir að hafa verið hjá Newcastle síðastliðin átta ár og Sam Allardyce, framkvæmdastjóri Newcastle, er ekki talinn ætla að standa í vegi fyrir Dyer.