Reikna með að Kínverjar verði fjölmennastir á netinu

Internetnotendur í Kína gætu orðið fleiri en nettengdir Bandaríkjamenn innan tveggja ára, að mati Kínversku netstofnunarinnar. Þá yrðu Kínverjar fjölmennasta þjóðin á netinu. 137 milljónir Kínverja voru nettengdar í lok árs 2006, sem er 23% fjölgun frá árinu á undan. Þeir eiga samt enn langt í land að ná Bandaríkjamönnum með sína 210 milljón netnotendur.

Dagblaðið China Daily telur tveggja ára mat netstofnunarinnar ekki raunhæft, enda þyrfti aukningin þá að halda áfram í 23-4%. Talsmaður netstofnunarinnar segir hins vegar að vöxturinn sé frekar að herða á sér en hitt og verði jafnvel hraðari á næstu tveimur árum.