Fleiri konur kveikja í sér

Konur bregða í auknum mæli á það ráð að kveikja í sér til að stytta sér aldur í Afganistan. Meðal líklegra orsaka þessa eru nauðganir og ofbeldi innan fjölskyldna og höft á frelsi til að festa ráð sitt samkvæmt eigin vali.

Þessi aðferð hefur orðið æ algengari eftir að hún vakti athygli í sjónvarpinu og vegna þess að konur telja þetta öruggan dauðdaga.

Afgönsk mannréttindasamtök greindu frá þessu, eftir að hafa talað við 800 aðstandendur kvenna sem frömdu slík sjálfsvíg.