Ítalska þingið samþykkti tillögu Prodi

Efri deild ítalska þingsins samþykkti í gærkvöldi tillögur Romano Prodi forsætisráðherra um að halda ítölskum hermönnum í Afganistan. Niðurstaðan er léttir fyrir Prodi sem bauðst til að segja af sér fyrir um mánuði þegar þingið felldi svipaða tillögu.

Þetta var síðasta hindrun Prodi eftir að hann myndaði að nýju stjórn eftir þá stjórnarkreppu sem hlaust þegar hann bauðst til að segja af sér. 180 sögðu já, tveir nei og 132 sátu hjá. Stjórnmálaskýrendur segja að ef tillagan hefði ekki verið samþykkt hefðu dagar Prodi í forsætisráðherrastól verið taldir.