Nota þrjú þúsund skilvindur

Mahmoud Ahmadinejad, forseti Írans, lýsti því yfir í gær að nú væru Íranar búnir að taka í notkun þrjú þúsund skilvindur, sem notaðar eru til að auðga úran.

Íranar lýstu því yfir fyrst í apríl að þeir hefðu tekið þrjú þúsund skilvindur í notkun, en alþjóða kjarnorkueftirlitið hefur fullyrt að þá hafi Íranar einungis verið með 328 skilvindur í notkun.

Í síðustu skýrslu kjarnorku­eftirlitsins, sem birt var í síðustu viku, var fullyrt að Íranar væru aðeins komnir með tvö þúsund skilvindur í notkun.