Lesbíur í felur að giftingu lokinni

Nígerísk kona, Aunty Maiduguri, sem „giftist“ fjórum konum, hefur farið í felur ásamt konunum. Samkvæmt sjaríalögum í landinu er samkynhneigð og hjónaband samkynhneigðra ólögleg og álitið alvarlegur glæpur. Samkynhneigð er einnig ólögleg samkvæmt hegningarlögum.

Maidugury gekk að eiga konurnar í leikhúsi í Kano-ríki síðustu helgi. Nokkrum dögum síðar var leikhúsið jafnað við jörðu.

Allar konurnar fæddust sem múslímar. Samkvæmt íslam má karlmaður giftast fjórum konum geti hann séð fyrir þeim.