Bretar létta á fangelsunum

Meira en sautján hundruð föngum var sleppt úr breskum fangelsum í fyrstu viku neyðaráætlunar um að létta álag á yfirfullum fangelsum landsins.

Þetta eru fyrstu tölur sem birtast um áætlunina sem hófst 29. júní. Samkvæmt henni verða allt að 25.000 pláss losuð árlega í fangelsum. Tæplega 350 dæmdir ofbeldisglæpamenn voru meðal þeirra sem sleppt var allt að átján dögum fyrr.

Stjórnarandstædingar gagnrýndu stjórnvöld fyrir þessar aðgerðir sem þeir sögðu ógna öryggi almennings.