Forsetar rækta vinskapinn

Bandaríkin, AP Vladimír Pútín Rússlandsforseti kom í gærkvöld til Kennebunkport í Maine, þar sem hann hitti George W. Bush Bandaríkjaforseta í sumarhúsi í eigu George Bush eldri. Vonir stóðu til að hið nána andrúmsloft sem fundarstaðurinn skapaði auðveldaði leiðtogunum að leysa úr þeim vaxandi ágreiningi sem orðið hefur vart við á milli ríkisstjórna beggja landa á síðustu mánuðum og misserum.

Við brottförina frá Moskvu gat Pútín þess hve „vinsamleg“ persónuleg tengsl sín væru við Bush, og það ætti að lofa góðu um að fundurinn yrði árangursríkur.