Langalangamma klárar meistaragráðu

Hin 94 ára Phyllis Turner útskrifaðist með meistaragráðu í læknavísindum í vikunni 82 árum eftir að hún þurfti að hverfa frá barnaskólanámi til að gæta systkina sinna eftir að faðir hennar yfirgaf fjölskylduna.

Turner ól upp níu börn áður en hún skráði sig aftur í nám. Sjötug fór hún í háskóla og lauk B.S. gráðu. Hún ákvað svo að skrá sig í meistaranám eftir að maður hennar lést fyrir fimm árum.

Leiðbeinandi Turner, Maciej Henneberg prófessor, sagðist telja að hún væri elst í heiminum til að ljúka meistaragráðu.