Áfram ráðist á sjía-pílagríma

Á annan tug sjíapílagríma biðu bana í sprengjuárásum í Írak í gær, daginn eftir að 120 pílagrímar fórust í sjálfsmorðsárás.

Talið er að súnní-múslimar hafi staðið að árásunum, sem beindust að pílagrímum á göngu til Karbala, sem er um 80 kílómetra suður af Bagdad. Um helgina lýkur 40 daga sorgartíð meðal sjía-múslima sem minnast með því láts trúarleiðtogans Husseins í Karbala á sjöundu öld.

Dregið hefur úr ofbeldi í Bagdad á þriðju viku sameiginlegrar herferðar Bandaríkjanna og Íraks til að auka öryggi í borginni. En bandarískir herforingjar segja ofbeldismenn hafa flúið út fyrir borgina.