Nýju ári fagnað í Ástralíu

Þótt enn séu nokkrir tímar eftir að árinu 2006 hér á landi eru íbúar annars staðar í heiminum þegar farnir að fagna nýju ári, þar á meðal í Sydney í Ástralíu. Þar eru talið að um milljón manns hafi safnast saman til þess að berja augum hina árlegu flugeldasýningu á hafnarbrúnni í þessari stærstu borg Ástralíu þegar árið 2007 var hringt inn klukkan eitt að íslenskum tíma.

Á Filippseyjum fagna menn hins vegar árinu eins og hér á landi með því að sprengja sjálfir flugelda en þar hefur lögreglan skorið upp herör gegn of stórum sprengjum til þess að koma í veg fyrir slys.

Þrátt fyrir það hafa nærri 300 manns slasast á síðustu tveimur vikum við að nota flugelda og með því að skjóta af byssum í fagnaðarskyni. Telja margir Filippseyingar að með því að sprengja flugelda hreki þeir á bott illa anda og ógæfu.